तांबापुरातील शिवाजी हायस्कूल जुनिअर कॉलेजमध्ये शिक्षिकेला अन्य शिक्षक आणि शिक्षिकांनी जातीवरून हीन वागणूक देऊन जातीवाचक शिवीगाळ केली. प्रकरणी 7 जणांविरुद्ध ॲट्रॉसिटीचा गुन्हा दाखल करण्यात आला आहे.
याबाबत पीडित महिला शिक्षिकेने पोलिसांत दिलेल्या फिर्यादित म्हटले आहे की, तांबापुरातील शिवाजी हायस्कूल जुनिअर कॉलेजमध्ये शिक्षक आहे. 28 जानेवारी रोजी कर्तव्यावर असताना शाळेतील महिला कक्षात गेल्यावर बसण्यासाठी खुर्ची घेतली. त्यावेळी तेथे उपस्थित शिक्षिका ललिता वंजी पाटील, शितल दिलीप देसले, संगीता प्रकाश पाटील, अलका शिवाजी देवरे यांनी त्यांना वागणूक जातीवरून हीन वागणूक दिली. तर महिला कक्षातून रडत बाहेर पडल्यावर सुधाकर मुरलीधर पाटील, संजय प्रल्हाद पाटील, संदीप अशोकपुरी गोसावी हेही थुकून हसू लागले. तर शिपाईला पाणी मागितले तर त्यांनाही पाणी देऊ दिले नाही. तसेच मुख्याध्यापकाच्या कक्षात येऊन पुन्हा शिवीगाळ करू लागले. तर मुख्याध्यापकांनाही बाजू घेतल्यास खोटा गुन्हा दाखल करण्याची धमकी दिली. हा सर्व प्रकार घरी पतीला सांगितल्यानंतर पोलिसात फिर्याद दिली. याप्रकरणी सुधाकर मुरलीधर पाटील, संजय प्रल्हाद पाटील, संदीप अशोकपुरी गोसावी, ललिता वंजी पाटील, शितल दिलीप देसले, संगीता प्रकाश पाटील, अलका शिवाजी देवरे यांच्या विरुद्ध गुन्हा दाखल करण्यात आला आहे. पुढील तपासणी उपविभागीय अधिकारी अण्णासाहेब घोलप करीत आहेत.