तालुक्यातील एका बचत गटाचे काम करणाऱ्या महिलेशी खोकरपाट येथील दुलीचंद धनसिंग पाटील याने भ्रमणध्वनीद्वारे संपर्क साधून तिला तिचे आक्षेपार्ह फोटो मोबाईल मध्ये पाठवले. तसेच एका महिलेने तिरंगा चौकात त्या पीडित महिलेला तिचे कपडे बदली करतानाचे फोटो दाखवून तिची बदनामी करण्याची धमकी दिली. पुन्हा दुलीचंद याने महिलेचा विनयभंग करत तिला शरीरसुखाची मागणी करत तिचे फोटो सोशल मीडियावर टाकायची धमकी दिली. पीडित महिलेने दुलीचंद व त्या महिलेविरुद्ध अमळनेर पोलीस स्टेशनला फिर्याद दिल्यावरून भारतीय न्याय संहिता कलम ७४,७९,३५२,माहिती तंत्रज्ञान अधिनियम २००० कलम ६७ सी प्रमाणे गुन्हा दाखल करण्यात आला असून तपास परिविक्षाधीन डीवायएसपी केदार बारबोले करीत आहेत.